ಒಮ್ಮೆಯಾದರೂ...

ಒಮ್ಮೆಯಾದರೂ ಬರಬಾರದೇ ಬಿರುಮಳೆಯಾಗಿ
ತೋಯಿಸೆ ನನ್ನ ಕನಸುಗಳ ಬಂಡಾಯದ ಕಾವ
ಕಾದ ನನ್ನೆದೆಯ ಹೊಲಕ್ಕೆ!!!

ಒಮ್ಮೆಯಾದರೂ ಅರಳಬಾರದೇ ನನ್ನಾಸೆಯ ಹೂವಾಗಿ
ಸಂಕುಚಿತ ಕಲ್ಪನೆಗಳ ಕಟ್ಟೆಯೊಡೆದು
ನನ್ನೊಲವಿನ ಹೂದೋಟದಲ್ಲಿ!!!

ಒಮ್ಮೆಯಾದರೂ ಮಿನುಗಬಾರದೇ -ತಾರೆಯಾಗಿ
ನಿರಾಶೆಯ ಮೋಡಗಳ ಮಧ್ಯದಿಂದ
ನನ್ನೆದೆಯ ಬಾಂದಳದಿ!!!

ಒಮ್ಮೆಯಾದರೂ ಇರಬಾರದೇ ನನ್ನ ಅತಿಥಿಯಾಗಿ
ನಿರೀಕ್ಷೆಗಳ ಹುಸಿಯಾಗಿಸದೇ
ನನ್ನಂತರಂಗದ ಮಹಲಿನೊಳು

ಒಮ್ಮೆಯಾದರೂ ಉಳಿಯಬಾರದೇ ನನ್ನ ನೆನಪಾಗಿ
ಮರೆವಿನ ಜೊಂಪಿನ ನಡುವಲ್ಲಿ
ನೋಡಲನುವಾಗುವಂತೆ

ಮತ್ತೆ ಮತ್ತೆ !!!

ವಿನೋದ್ ಕುಲಾಸೊ, ಕಪುಚಿನ್
(Published by "Snehajyothi" monthly July 2009)