Tuesday 3 November 2009
ಆಸಾಯ್ ತಶೆಂ ತುಂ ಯೇ...
ಭ್ರಮರಾನ್ ಪುಸ್ಪುಸೊನ್ ಬೊಂಗ್ಯಾಕ್ ಪುಲಾಯ್ಲೊ ಘುಟ್ ತುಕಾ ಸಾಂಗ್ತಾಂ,
'ಪುಲಾಕ್ ಸೊಭಾಯೆಕ್ ಫರಕ್ ನಾಂ
ಆಸಾಯ್ ತಶೆಂ ಭಾಯ್ರ್ ಸರ್ನ್ ಯೇ,
ಉಶೀರ್ ಕಿತ್ಯಾಕ್ ನೆಟಾವ್ಣೆರ ಆನಾ,
ಸೋಭಾಯೇಚಿ ಸಿನೊಲ್ ಮ್ಹಾಕಾ ತುಂ ಮಾತ್ರ್,
ಸೊಭಿತ್ ಸಂಸ್ರಾಂತ್ ಹಾಂವ್ ಕುರ್ಡೊ ಪಾತ್ರ್.
ಪಿರ್ಲುಕ್ ಕೆಳಯ್ಲ್ಯಾ ವೊಂಟಾಂಚೊ ಕುಚ್ಕುಚೊ ತುಕಾ ಸಾಂಗ್ತಾಂ
'ಪಿರ್ಲುಕೆಕ್ ಆನಿ ನಾದಾಕ್ ವೆತ್ಯಾಸ್ ನಾಂ
ತುಜ್ಯಾ ಉಚ್ವಾಸಾಚ್ಯಾ ನಾದಾನ್ ಭರೊನ್ ಯೇ
ಧಲ್ತಾತ್ ಮ್ಹಜಿಂ ಕಾಳ್ಜಾ ಕಾನಾಂ.
ಸಂಗೀತ್ ಮ್ಹಣ ಆಸ್ಲ್ಯಾರ್ ಮ್ಹಾಕಾ ತುಂ ಮಾತ್ರ್ ,
ಸಂಗೀತಾಚ್ಯಾ ಸಾಗೊರಾಂತ್ ಮ್ಹಾಕಾ ಕೆಪ್ಪ್ಯಾಚೊ ಪಾತ್ರ್.
ಪಾಯಾಂಚಿ ಧುಳ್ ಪುಸುನ್ ವೇಳ್ ವಿಬಾಡ್ನಾಕಾ,
ಆಸಾಯ್ ತಶೆಂ ಮೆಟಾಂ ಉಡೊನ್,
ಕಾಲ್ಜಾ ಪಾನಾರ್ ಮ್ಹೊರ ಮಾರ್.
ಘಾಮ್ ನಾಂವ್ಕ್ ಅಮ್ಚೊರ್ನಾಕಾ,
ಧಾವುನ್ ಯೇ ಘಾಮಾಂತಚ್ಚ್ ನಾವ್ನ್,
ಕರುಂಕ್ ಅಪುಟ್ ಮೊಗಾಚೊ ಬೆಂಜಾರ್
ಆಹ್ವಾನ ಲಿಖ್ಲಾಂ ತರೀ ಭುಲಲ್ಲ್ಯಾ ಮೊಡಾನಿ,
ಪಾವ್ಸಾಕ್ ಹಾವೆಂ ರಾವೊಂಕ್ ಸಾಂಗ್ಲಾಂ.
ಆಸನ್ ರಚುನ್ ಗೋಪಾಂತ್ ಧರ್ಯಾ ವೆಳೆರಿ,
ತಂಯ್ಸರ್ ವೆಳಾಕ್ ರಾಕೊಂಕ್ ಸಾಂಗ್ಲಾಂ.
ಮೊಳ್ಬಾ ಫಣ್ಟಿ ರಾಕೊನ್ ಆಸ್ತೆಲಿ,
ಕಾಳ್ಕಾಕ್ ವೆಂಗುನ್ ತುಂ ಎಂವ್ಚೆ ಪರ್ಯಾಂತ್
ನಾತಲ್ಲ್ಯಾ ತುಜೆಕಾತಿರ್ ರಾಕ್ಚೆಂ ಮ್ಹಜೆಂ ಪಿಶೆನ್ಪಣ ತಶೆಂ ಭೊಗ್ತಾ ತರೀ
ಹಾಂವ್ ಆಶಾವಾದಿ!!!! Vinco, ಕಪುಚಿನ್
Secured first place in the "Sevak Golden Jubilee Literacy competitions"...
Subscribe to:
Post Comments (Atom)
No comments:
Post a Comment