Friday 30 October 2009
ಪ್ರೀತಿಯು ಕಾಯುತಿದೆ...
ಹರಳುಗಟ್ಟಿ ಕಾಯುತಿದೆ ಪ್ರೀತಿಯು
ಹೃದಯ-ಸಾಗರದೊಳಗೆ,
ಮರಳು ಖಾಲಿಯಾಗುವವರೆಗೆ ಕಾವುದದು
ಕಾಲದ ಜಾಡಿಯೊಳಗೆ...
ಯಾರದೋ ಪ್ರೀತಿಗಾಗಿ ಜೀಕುವ ಜೀವವಾಗಿ
ಯಾವುದೋ ಜೀವದಲಿ ಹೂತ ಭಾವವಾಗಿ
ಜೀವದೊಳಗಿನ ಜೀವವಾಗುವ ಜಿಜ್ಞಾಸೆಯಾಗಿ
ಪ್ರೀತಿಯು ಕಾಯುತಿದೆ...
ಬಾಳ ಮೂಸೆಯಲಿ ಮಾಗಿ-ಮಧುವಾಗಿ
ಪ್ರೀತಿಸುತ್ತಲೇ ಪ್ರೀತಿಗಾಗಿ ಸತ್ತ ಮೊತ್ತವಾಗಿ
ಅವ್ಯಕ್ತವಾಗಿಯೇ ಉಳಿದ ಅನಾಥ ಪ್ರೀತಿಯಾಗಿ
ಪ್ರೀತಿಯು ಕಾಯುತಿದೆ...
ಬಾಲಿಸುತ್ತಾ ಪ್ರೀತಿಯ-ಗೋಡೆ ಏರಿಸಿ
ಜೀವ- ಜೀವಗಳ ನಡುವೆ ಪ್ರೀತಿ ಜಾಲವ ಹೆಣೆದು,
ಪ್ರೀತಿಯಾಟವಾಡುವ
ಪ್ರೀತಿಯು ಕಾಯುತಿದೆ...
Vinco., Fathimapura
Subscribe to:
Post Comments (Atom)
No comments:
Post a Comment