ಕೊನೆಯ ಭೇಟಿ

ಅದು ನಮ್ಮ ಕೊನೆಯ ಭೇಟಿಯೆಂದು

ಮೊದಲೇ ನನಗೆ ತಿಳಿದಿದ್ದರೆ,

ಕಣ್ತುಂಬ ನಿನ್ನ ತುಂಬಿಕೊಂಡು

ನಿನ್ನ ಕಣ್ಣ ಕನ್ನಡಿಯಲ್ಲಿ

ನನ್ನ ಬಿಂಬವ ಕಾಣುತ್ತಿದ್ದೆ.

ಶಬ್ದಗಳ ಪೋಣಿಸಿ

ನಿನ್ನ ಸೌಂದರ್ಯವ ಬಣ್ಣಿಸುತ್ತಿದ್ದೆ

ಜೊತೆಗೆ ನಿಂತು ಭಾವಚಿತ್ರವ ತೆಗೆದಿಡುತ್ತಿದ್ದೆ.

ಬಿಚ್ಚು ಮನವ ತೋರುತ

ಹೃದಯವನೆನ್ನ ತೆರೆದಿಡುತ್ತಿದ್ದೆ

ಅಪ್ಪಿ ನಿನ್ನ ಮುತ್ತಿನ ಮಳೆಗರೆಯುತ್ತಿದ್ದೆ.

ನಿನ್ನ ಋಣವ ತೀರಿಸಿ

ಮಾಡಿದ ಅಪರಾಧಗಳನ್ನು ಮನ್ನಿಸೆಂದು ಬೇಡುತ್ತಿದ್ದೆ.

ಪ್ರೀತಿ ಕೈದಿ ನಾನೆಂದು ತಿಳಿಸಿ

ಬಿಡುಗಡೆಯ ಕಿಲಿಕೈಯನ್ನು ಬೇಡುತ್ತಿದ್ದೆ.

ಕಂಗಳಲ್ಲಿ ಕಂಬನಿ ತುಂಬಿ

ನಿನ್ನ ನೋಡಲು ನಿರಂತರ ಕಾಯುತಿರುವೆ

ಎಂಬ ಸತ್ಯವ ಹೇಳಿ ಕಳುಹಿಸುತ್ತಿದ್ದೆ.

"ನನ್ನುಸಿರೇ ನಿ ಕೊನೆಯುಸಿರೆಳೆದಿರುವೆ

ಉಸಿರಾಡುವೆನು ನಾನು ನನ್ನ ಕೊನೆಯುಸಿರಿನವರೆಗೆ,

ಕೇವಲ ನಿನಗಾಗಿ ನಿನ್ನುಸಿರಿನ ಸವಿನೆನಪಿಗಾಗಿ.!!!"

Vinco., Fathimaapur.